Compagnie du chemin de fer de Paris à Orléans
|
Quest articol chì l'è scrivud in lombard, con la Noeuva Ortografia Lombarda |
La Compagnie du chemin de fer de Paris à Orléans (PO) l’era un'antiga socetà ferroviaria privada de la Francia. In del 1934 la s’è metuda insema a la Compagnie du Chemin de Fer du Midi e l’è andada a fà su la Chemin de Fer de Paris à Orléans et du Midi (PO-Midi). In del 1938 l’è stada nazionalizzada e l’è diventada part de la Société nationale des chemins de fer français (SNCF).
Storia[Modifega | modifica 'l sorgent]
La società l’è stada trada insema a Parigi el 13 de agost del 1838 cont on capital inizzial de 40 milion di franch de quii temp là; el 2 de masg del 1843 l’ha otegnud la concession per 70 ann per la costruzzion e l'esercizzi de la ferrovia in tra Parigi e Orléans. La linea, 114km longa, a quii temp là l’era la linea pussee longa de la Francia. A l’inviada del 1852, cont l’ajut del Stat, la socetà l’ha quistad la Compagnie du Centre, la Compagnie du chemin de fer de Tours à Nantes e la Compagnie du chemin de fer d'Orléans à Bordeaux e l'ann adree, in del 1853 anca la Compagnie du chemin de fer de Paris à Sceaux inscì de rivà a la soa espansion massima. De fat, in tra ‘l 1852 e ‘l 1934 l’è stada la compagnia ferroviaria privada francesa. De la stazzione di Parigi, Gare d'Austerlitz, la red la ciapava el territori de la Loira e de la Garonna fina a Orléans e a Tours. Da chichinscì i ram i rivaven a Vendôme, Le Mans e a la costa atlantica di Angers, Nantes, Saint Nazaire, Landerneau, sud di Villefranche, Clermont-Ferrand e Tolosa, sud-ovest de Poitiers, Angoulême, Bordeaux.
La red in del 1912[Modifega | modifica 'l sorgent]
| Red | Longhezza (km) |
|---|---|
| Red inizzial | 5116 |
| Linee aquiside a scartament normal | 2351 |
| Linee aquiside a scartament redut | 323 |
| Red total | 7790 |
In del 1934 la PO la s’è metuda insema con la Chemin de Fer du Midi e l’ha ciapad el noeuv nom di Chemin de Fer de Paris à Orléans et du Midi (PO-Midi). Con la fusion la red PO-Midi l’era rivada a 12.000km.
El prim de sgener del 1938 l’è nazionalizada insema a alter cinch compagnie per via del confluì in la noeuva Société nationale des chemins de fer français (SNCF).
A la fin de la seconda guerra mondial el ram frances del grup bancari Rothschild l’ha rilevad el pachet azzionari de magioranza de la veggia socetà Paris Orléans e l’ha trasformad in d’ona holding company economica che la gh’haveva dent la Banque Rothschild, la imobiliar SGIM, el grup assicurativ SIACI, la compagnia petrolifera Francarep e la vinicola SGDBR.
Despoeu de la nazzionalizazzion de la Banque Rothschild nel 1982 la sezzion bancaria de la holding l’è diventada Parigi-Orléans SA, l’ann adree Parigi-Orleans Gestion e poeu Rothschild & Cie Banque.
Bibliografia[Modifega | modifica 'l sorgent]
- (FR) Compagnie du chemin de fer de Paris à Orléans et compagnies absorbées. Archives nationales (France) (arqiviad de l'url orijenal in data 27 settembre 2011)