Coincidenza (acustica)

Quest articol chì l'è scrivuu in lombard, grafia milanesa.

La coincidenza, in acustica, l’è el fenòmen che ’l càpita quand che on’onda sonòra piana la ghe va addòss a ‘na piastra e l’indùss di dand che se propàghen adrée a la piastra medésima ciamàd dand de incurvadura che gh’hànn ‘na soa pròpia freguenza. In del caso che la freguenza de la componenta de l’onda incidenta adrée a l’istèssa direzion de la piastra la sìa l’istèssa de la freguenza di dand de incurvadura el scambi de energia infra chi dò perturbazión chì el fa de manera de redù el podè isolànt de la piastra.

La condizión al fin che la ghe sia la coincidenza l’è donca:

$C_{B}=C_{Y}$

indoe:

C_B a l’è la velocità di dand de incurvadura;

C_Y a l’è la componenta de la velocità de l’onda piana incidenta in la direzión de la piastra.

$C_{Y}={\frac {c}{sen\theta }}$ $C_{B}={\sqrt[{4}]{\frac {\omega B}{\rho h}}}$

indoe:

$\omega$ l’è la pulsazion de l’onda incidenta [ Hz ] ω=2 π f, f freguenza ;

B l’è la rigidèzza de la sezion de travèrs $B={\frac {E\cdot h^{3}}{12\cdot (1-\nu ^{2})}}$;

h l’è el spessór de la piastra [ m ];

E l’è el modol del Young del materiàl de la piastra;

ν a l’è el coefficent del Poisson;

θ l’è l’àngol de incidenza in su la piastra o ben l’angol infra la normàl (perpendicolàr) a la piastra e l’onda incidenta.

Freguenza de coincidenza

A se pò ottegnì donca, cont el risòlv l’equazión C_B=C_Y la freguenza de coincidenza, ch’a l’è la frequènza a la quàl el càpita el càpita el fenòmen de la coincidenza:

$f_{co}={\frac {c^{2}}{1,8\cdot c_{l}\cdot h\cdot sen^{2}\theta }}$

indoe:

c_l l’è la velocità de propagazión di ond longitudinàj ind la parèd e l'è $c_{l}={\sqrt {\frac {E}{\rho \cdot (1-\nu )^{2}}}}$ indoe $\nu$ l’è el coefficent del Poisson del materiàl, $\rho$ la soa densità e E el sò modol del Young;

θ l’è l’àngol de incidenza;

c l’è la velocità del son.

Come che ‘l se pò vedè, la freguenza coincidenza la varia in fonzión de l’angol de incidenza θ e ‘l valór minim (freguenza critica) al quàl el pò succèd el fenòmen de la coincidenza l’è:

$f_{c}={\frac {c^{2}}{1,8\cdot c_{l}\cdot h}}$

Vos correlad

• Isolament acustich
• Leg de la massa