Cintura sud de Milan

De Wikipedia
(Rimandad de Cintura sud (Milan))
Lumbard ucidental Quest articol chì l'è scrivuu in lombard, grafia milanesa.
La cintura sud evidenziada

La cintura sud de Milan a l'è 'na brev linia ferroviaria milanesa che la conliga la stazion de Milan San Cristofen a la Stazion de Milan Rogoree che la passa per Romol e Porta Romana.

Storia[Modifega | modifica 'l sorgent]

La linia l'è verta el primm de giugn 1891 per permett ai treni merci che rivaven de Bologna, Genoa e Venezia de traversà no la stazion centrala de l'epoca e rivà a la svelta al scal de Porta Sempion. El 15 de november 1915 l'è attivaa el bivi Nivili Grand a San Cristofen per conligà anca la ferrovia per Mortara.

Con la riforma del noeud de Milan del 1931, la soppression del scal de Porta Sempion e la vertura de la noeuva stazion centrala la cintura sud la perd reson d'esist e la resta bona, de facc, domà 'me raccord in tra la ferrovia Milan-Mortara e 'l rest de la red ferroviaria nazional e l'è donca doperada domà de 'n quaj treno merci e raro treno local.

El traffigh regolar passeggee, voramai limitaa a 'n quaj local Milan-Lissandria, el gh'ha avuu fin el 28 de magg 1994: resten domà di minga regolar treni per Pavia e Piasenza.

El 24 de dicember 2004, con l'istituzion del servizzi ferroviari suburban de Milan ghe torna sora on servizzi passegee regolar, quell de la linia S9, che la conliga Saronn a Albairaa-Vermezz a travers de 'sta linia, oltra che de la linia de cintura de Milan.

Progett[Modifega | modifica 'l sorgent]

Con la saradura de la stazion de Milan Porta Genoa l'è previst che i treni regionai sien instradaa in su la cintura Sud per rivà a la stazion de Rogoree. L'è in costruzion, de completà in del 2023, la stazion de Milan Tibaldi e 'l spostament de Porta Romana, per permett on interscambi pussee bon con la linia 3 de la Metropolitana de Milan.

Riferiment[Modifega | modifica 'l sorgent]