Và al contegnud

Ciciarada:Prima Guerra de Indipendenza italiana

Contegnûi da pàgina no suportæ in de âtre léngoe.
De Wikipedia

Ciao, Eldomm, òcio che me par che te seet drée a messedà grafíi... Dopu, eran, austriach, fortess, un, e.i.v.

Hoo scrivuu anmò l'istess articol cont ona grafía tutta classega e cont on savor on poo pussée meneghin:

La Prima guèra de Indipendenza taliana l'è s'ciopada el 23 de marz del 1848, dopo che Milàn e Venèzia s'eren levaa su contra i austriech e eren reussii a casciaj foeura. In prinzipi de la guèra olter stat talian, olter al Piemont, avèven deciduu de combatt contra i austriech: el Stat de la Gesa, el Grandugaa de Tuscana e el Règn dij dò Sicilj, e i talian eren reussii a veng dò bataj a Pastrengh e Goito, e anca a ciapà Pes'cera, voeuna dij fortezz del quaderlater in dove i austriech del Radetsky a s'eren retiráa.

Quand che al prinzipi de giugn i austriech inviaven rinforz al comand del Nugent, e in de l'istess temp i stat talian decideven de trass indrée e lassà i piemontes insemm ai lombard e ai venezian a combatt de per lor, el Radetsky l'è tornáa anmò a combatt e a Custoza, in tra el 23 e el 25 de luj, l'ha battuu l'esercit nemis e l'è gnuu ancamò indrée in de la Lombardia. Dopo de avè battuu ancamò i piemontes vesin a Milàn, el 6 de agost el Radetsky el tornava in de la cità che l'eva casciaa foeura cinqu mes innanz e l'esercit piemontes, comandaa del Re Carl Albert, l'ha poduu pu fà nagott ma ciamaggh on armistizi.

La guèra l'ha taccáa su ancamò in del mes de marz del 1849 fomentada del Govèrna Rattazzi ma i piemontes, comandaa del general polacch Chrzanowsky ch'el se intendeva minga ben cont i sò omen, hinn staa battuu ancamò in de la bataja de Novara el 23 de l'istess mes. El Rè Carl Albert el decideva de retirass in esili, e el sò post el toveva Vittori Emanuèl II che in d'ona cassina arent a la cità el se incontrava con el Radetsky per mett giò i condizion de la capitolazion che la metteva fin a la guèra.

Te saludi e in gmaba! :-) --Mondschein 21:49, 19 gen 2009 (UTC)