Charlie Cinelli
|
|
Chest artícol a l'è scricc in Lumbàrt, ortograféa orientàl unificàda. |
Charlie Cinelli, nòm d'arte de Giancarlo Cinelli (Sarès, 21 de noèmber del 1958), l'è 'n cantautùr, basìsta e chitarìsta bressà.
Biografìa
[Modifega | modifica 'l sorgent]El g'ha ambiàt a stüdià müsica amò de picinì 'ndèla bànda müsical del sò paés endóche 'l g'ha sunàt el saxofono e dòpo ìga ciapàt el diplóma de "Maestro d'arte" el g'ha stüdiàt el contrabàs col maèstro Ricciuti al conservatóre de Brèsa. Al tèrs an però 'l g'ha 'mpientàt lé e l'è nat a sunà 'nsèma a la band de Iva Zanicchi come corista, saxofonìsta e chitarìsta. Endèl 1982 e 1983 el sùna apò col grùpo Novecento en Germània, en Scandinàvia e 'n Spàgna.
Endèl 1985 el và a stà a Londra 'ndóche 'l se önés a divèrse formasiù, 'ntra le quàle gh'è: i Shalako, Tim Abbat, Ben Hennessy, Martin Taylor e Groff Brown.
El tùrna 'n Itàlia e del 1989 el rìa a nà dét endèl'orchèstra rìtmica de la RAI (1989/91), el sùna come basìsta endèna quach prudusiù de Mediaset (1990), e 'nsèma a Alfredo Golino e laùra 'n stüde per divèrsi prudutùr (Zanotti, Lavezzi, Valli).
El se önés al grupo Giuliacombo (WEA) col qual el fà l'album "Francesca" (1990).
El sùna 'ndèl Cantagiro 1992 ensèma a Lele Melotti e Gogo Ghidelli.
Ensèma col Melotti e 'l Golino el laùra con divèrsi artìsti, compàgn del Zucchero (Live in Moskow, Valzer d'un blues, Va pensiero, Trionfe el ganador a live autùno 2003), Cocciante (live 1991), Renato Zero (live 1992), Mina (Johnny, N° 0), Mario Lavezzi (Us a live 1993), Baccini (Nudo e live), Paolo Vallesi (Un giorno normale), Loredana Bertè (Strade di fuoco).
El fùrma 'l trìo Charlie & The Cats, ensèma co Alan Farrington e Cesare Valbusa, che 'l se ezebés del 1993 endèle pruvìnce de de Brèsa, Bèrghem e Cremùna, condèn repertóre uriginàl per lo piö fat de cansù endóche 'l mes•ciàa sö 'l bresà co l'inglés e l'italià. El g'ha utignìt dei bèi sucèsi pò a Milà, Màntoa, Reggio Emilia, Roma, Telese Terme (Rock Festival), Trezzo d'Adda (có Bottine Souriant), Capoliveri (Sugar Reef), Cuneo (Folk-rock festival), Bolzano, Predazzo, Moena e Arma di Taggia (Folk Festival).
L'è autùr e atùr endèla comédia 'n bresà "Törölölö" co la regìa de Giorgio Galvani.
Ensèma co Giorgio Zanetti (còmich de "Convention" trasmisiù de RAI 2 e "La sai l'ultima" sö Canale 5) el scrif, el prodüs e l'entèrpreta i spetàcoi de cabaret: Fat&Tender endèl 2003, Apotheke 'ndèl 2004 e Attenti a quei due 'ndèl 2005. Endèl 2004-2005 el stüdia amò canto ensèma col sopràno Floriana Cavalli. El scrìf la colòna sonóra del cine de Marco Preti “Lupo che corre”, dedicàt a le impréze de Roberto Ghidoni, a l'Iditaroad en Alaska. Endèl més de utùer del 2005 el rècita 'ndèl cortometràgio de Claudio Uberti “Un casale, due gessetti, tanti ricci”, ensèma co Omar Pedrini e Roberta Garzia.
Discografìa
[Modifega | modifica 'l sorgent]El g'ha firmàt 14 entrà CD e vìdeo. El repertóre uriginàl el ciàpa dét 130 cansù:
Discografìa ensèma ai Charlie & The Cats
[Modifega | modifica 'l sorgent]| An | Titol | Formàt |
|---|---|---|
| 1993 | Live at Donne & Motori | MC |
| 1993 | Greatest Tits | CD |
| 1994 | Orzinuovi | CD |
| 1995 | Vakaputanga | CD |
| 1996 | Baciami L'Orso | CD |
| 1998 | Des agn de Laiv | CD |
| 2004 | The Original | CD |
| 2005 | Ö! | CD |
| 2007 | Sö n'sèma | CD |
| 2008 | Leccover | CD |
Discografia de sulìsta
[Modifega | modifica 'l sorgent]| An | Titol | Formàt |
|---|---|---|
| 1998 | Törölölö | CD |
| 1999 | Charlie Cinelli | CD |
| 2001 | Nòm e Cognòm | CD |
| 2003 | En casa, en céza...al bar | CD |
| 2006 | Sìforàl | CD |
| 2009 | Sta 'n Banda | CD |
| 2010 | Merlin Magù | CD |
Óter
[Modifega | modifica 'l sorgent]| An | Titol |
|---|---|
| 2003 | Fat&Tender |
| 2004 | Apotheke |
| 2006 | Menemà |
En televiziù
[Modifega | modifica 'l sorgent]- MTV - El sùna 'ndèi "Freevoli", band de la trasmisiù de MTV "Coyote" prezentàda de Fabio Volo
- Rete A - En Music Zoo per La stetmàna de Charlie Cinelli con 9 cansù uriginài
- Rete 4 - Miss Padania 2004 co la cansù “Èl de la àl”
- Rai 2 - New Roads co Omar Pedrini e Follia Rotolante co Davide Van De Sfroos
Colegamèncc estèrni
[Modifega | modifica 'l sorgent]- Sit uficiàl
- °rda 'l vìdeo de "Höpei che Spöha" cantada de Charlie e "traducìda" de Fabio Volo a "Coyote" sö MTV
- Sit del cortometràgio "Un casale due gessetti e tanti ricci"