Cercafas
El cercafas l'è 'n istrument doperaa per vedè se gh'è de la tension elettrega in d'on circuitt, e pussee de precis la fas in su 'n conduttor, tipicament a forma de casciavid.
Ogni cercafas el gh'ha el sò range de fonzionament, foeura de quell o 'l se s'ceppa o 'l fonziona no.
El cercafas l'è faa de na lampada al neon e ona resistenza elettrica in serie: On'estremità l'è ligada a la ponta del casciavid, l'altra a 'na piastrina in sul manegh.
Per doperàll l'è assee toccà on component con la ponta e con la man la piastrina: Se gh'è assee elettricità per pizzà la lus la passa e la correnta la scarega a terra via el corp de l'operator, che 'l sent nagòtt perchè l'è inscì debol da fàss sentì no.