Circuit in serie e in parallel

De Wikipedia
Salta a la navigazzion Và a cercà
Lombard Quest articol chì l'è scrivud in lombard, con la Noeuva Ortografia Lombarda
Circuit in serie e in parallel

Per circuit in serie e in parallel se intenden do possibil manere de conligà di component eletrighe. Se parla de conligament in serie quand che formen 'n unegh percors per la corrent, in del cas de component bipol inn conligad diretament vun a l'alter, menter che de conligament in parallel quand che el percors l'è partid, inscì de aplicà l'istessa tension eletriga a tucc i component.

De solet, quand che di component inn conligad in serie, se somen i so capacità: l'è inscì per i batarie, in di revard del voltagg, e per i resistor, ma minga per i condensator, che se sommen in parallel, in serie l'è el so reciproch a somàss, ma la se soma la tension del lavorà, menter che i batarie conligade in parallel gh'havarann pussee de capacità. In del cas di motor, inveci, se ghe n'è pussee el conligament in serie el darà pussee cobia in partenza, ma el perdarà cont el cresser de la velocità, menter che se conligad in parallel el gh'havarà una cobia men forta, ma la podarà tegnì anca cont el cresser de la velocità: per i caregh pussee grand, compagn di tram e di treni, l'è voeuna di manere de controllà la velocità del mez. Tra l'alter, 'sti principi chi, valen anca per i motor pass-pass, che dedent poden vesser cablad in serie o in parallel.

Propi per 'sti principi, partitor de tension a l'è fad in serie, menter che un partitor de corrent a l'è fad in parallel.

Bibliografia[Modifega | modifica 'l sorgent]

  • Enrico Turchetti, Romana Fasi, Elementi di Fisica, 1ª ed., Zanichelli, 1998, ISBN 88-08-09755-2.

Riferiment[Modifega | modifica 'l sorgent]

Alter proget[Modifega | modifica 'l sorgent]

Vos corelade[Modifega | modifica 'l sorgent]