Cattaroeu

Quest articol chì l'è scrivuu in lombard, grafia milanesa.

El cattaroeù a l’è on istrumént per cattà giò i frutt d’on alber senza ‘vègh besògn de suttà a‘ndà su e giò de la scala. El cattaroeù l’è assosènn ùtil de cattà giò tucc quèj frutt che pòden vèss nò tràa giò cont el scorlì la pianta con di pèrtegh, che se borlassen giò andarìen in malora. El pò vess ùtil per esempi de cattà di frutt compàgn di pòmm, per, pèrsegh, brugn, scires e mognagh. On tipo de cattaroeù l’è quèll fàa su de ‘n sacchètt de lin o d’on àlter materiál a l'stremità d'ona pertega, che ‘l fa el mestée de cavagnoeù cont el tegnì denter el frutt cattàa, intorna a l’entrada del sacchètt l’è miss on serc de metall che ‘l gh’hà di dent o di pont ch’i servissen de tajà via el frùtt de la pianta. El frutt tajà via el borla giò denter in del sacchètt. L’apparècc el ven montàa su a l’estremità de ‘na pèrtega, el mànich el pò vess slongabil a segonda di necessità. On alter tipo de cattaroeù l’è quèll che ‘l dopera ‘na s’cesóra inscambi di dent de matàll. La s’cesora la ven fada fonzionà de l’òmm che l’è ‘drée a doperà l’arnes in tèrra per mèzz d’ona còrda. La s’cesora la ven sarada de manera de tajà el picóll, quèll tipo chì el gh’hà el vantàgg de tajà el picóll e rómpell nò. In temp indree el cattaroeu l'era faa su d'on cavagnoeu de legn con di dent miss a l'estremità d'ona pertega.