Castell de Legnan

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
El Castell al dì d'incoeu.

El Castell de Legnan (italian: Castello Visconteo o Castello di San Giorgio) l'è on castell che 'l se troeuva a sud de la città de Legnan (Provincia de Milan). L'è situaa in de n'isola in sul fiumm Olona.

Storia[<small>Mudifega</small> | mudìfica 'l sorgènt]

L'è staa faa su in quella zona lì per via de l'importanza de Legnan in del Ducaa de Milan: el paes, de fatt, el se trovava in su la strada che de Milan la mena al Lagh Magior, in de 'na posizzion importanta in de la Vall de l'Olona. Inoltra l'era anca vesin al territori del Sever, che l'è staa tiraa denter a Milan domà in del 1395. El Castell l'ha perduu la soa importanza a partì del XVI secol, e Legnan l'è deventaa soratutt on center de paisan.
El Castell l'è staa mettuu in pè intorna al 1230, per man di Torrian, che al temp eren i sciori de Milan. In del 1277 l'è passaa ai Viscont, che l'hann slargaa e imbellii. L'è restaa de proppietà diretta di Viscont fina al 1437, quand che 'l Duca l'ha regalaa a la fameja Lampugnan. I Lampugnan l'hann conservaa fina al 1729: in quell ann lì l'ultem di Lampugnan, che l'era senza eredi, l'ha donaa el Castell a la Cà Granda de Milan. In del 1798 l'è staa compraa del scior Carlo Cristofen Cornaggia. In del 1883 l'è staa trasformaa in cassina, e in del castell gh'è rivaa di famej de paisan. Dopo on quai desenni, i Cornaggia l'hann squasi lassaa a bandon, e 'l castell l'ha scominciaa a 'ndà in ruvina. In del 1973 i Cornaggia l'hann venduu al Comun de Legnan, che l'ha restauraa e dervii al publich.

Varda anca[<small>Mudifega</small> | mudìfica 'l sorgènt]