Carrell Jakobs

De Wikipedia
Sata a-a navegassion Sata a-a serchia
Lumbard ucidental Quest articol chì l'è scrivuu in lombard, grafia milanesa.
Carrell Jakobs confrontaa al carrell tradizional

El carrell Jakobs a l'è 'n tìpo particolar de carrell ferroviari doperaa per taccà insemma dò veicoi ferroviari cont on unegh carrell intermedi.

L'è staa inventaa del 1901 de l'ingegnee todesch Wilhelm Jakobs, e doperaa per la prima voeulta in del 1926 per i tram de Duisburg, menter che per i treni l'è staa doperaa per la prima voeulta in del 1932 per l'Amborghes sgorant.

Hinn staa doperaa anca per l'ETR.200 del record mondial de velocità e incoeu hinn doperaa per on mugg de elettrotreni e autotreni, soratutt quej de l'alta velocità, compagn di TGV, AGV, di Stadler FLIRT e SMILE.

In tra i vantagg el gh'è quell de on risparmi, degià che servissen men de carrej, de avègh besogn de men de potenza e pussee de stabilità, anca in cas de deraliament, oltra a la possibilità de avègh di intercomunicant pussee largh e a tegnuda ermetega.

In tra i difett gh'è el pes pussee per ass e la necessità de 'n officina per modifegà

Bibliografia[Modifega | mudìfica 'l sorgènt]

  • Vittorio Formigari, Piero Muscolino, Tram E Filobus a Roma: Storia Dalle Origini, Calosci, 1999.

Vos corelaa[Modifega | mudìfica 'l sorgènt]