Canna (botanica)
| Canna | ||||||||||||||
|---|---|---|---|---|---|---|---|---|---|---|---|---|---|---|
| occ.: cana or.: cana | ||||||||||||||
 canna x generalis fiorida
| ||||||||||||||
| Classifigazion sientífiga | ||||||||||||||
|
La Canna L. l’è l'ùnegh géner de la famiglia di Cannacei, e ‘l gh’hà dent lì adree a 50 speci originari di región tropicàj e sòtt-tropicàj de l’America, a comenzà del sud di Stat Unii fin a l’Argentina.[1].
Quajvuna di speci l’è stada introdotta e la s’è naturalizzada in di zòn tropicàj e sòtt-tropicàj di alter continènt. [1]
Intra i speci coltivàa ‘me di piant ornamentàj la pussée conossùda e oramai adattada ai región mediterranei d’Italia, che la riess a vegetà de bon anca al settentrión l’è la Canna indica che l’è ‘na pianta rizomosa con di foeuj grand ovàl-lanceolàd, di fior con di corònn tubolàr molto avèrt, miss insèma a fa su di fiorescenz a la fin d’on fust cilindrich e carnós. Infra i alter speci e varietà, ricòrdom quèj cont i fior grand derivàd di incroseggiadùr infra la Canna indica la Canna nepalensis e la Canna discolor, che gh’hànn di fiori che pòden vèss coloràa de de giald, arancion, ross e i vari sfumadùr de mèzz, di vòlt smaggiàa con di colór in contrast infra de lor, oppùr di fior compagn di orchidei; el fogliàmm, molto decoratìv, l’è de divèrsi colór che vànn del verd ciar o scur al bronz-rossaster. Pòden toccà su i 1,5-3 m de altèzza.
Tassonomia
[Modifega | modifica 'l sorgent]El gener Canna el tira denter divèrsi speci e varietà infra i quàj quèj chì: [2][3]
|
|
Utilizzazion
[Modifega | modifica 'l sorgent]A vegnen dopràa ‘me di piant ornamentàl, per el colór di sò fior e l’eleganza del fogliàmm, in di parch e in di giardìn a compònn di preous e di bordùr, oppùr vegnen miss in di vas grànd in sui terràzz.
Coltivazion
[Modifega | modifica 'l sorgent]
La gh’hà besògn d’ona esposizión al sol tucc el dì, de on terrén assosènn fèrtil per via di ingrassadura orgànich bondant, moresìn, porós, frèsch. La gh’hà paura de la siccità e del gel, per quèst i rizòma gh’hànn de vèss tòlt via del terrén in autùn; ind la bella stagión i servissen di fornidùr regolàr de ingràss orgànich e mineràl e di dacquàd bondant.
La moltiplicazión la ven fada al princippi de la bèlla stagión, per mèzz de la división di rizòma, miss in precedenza a vegetà apèna sotterràa in di cassón, di lètt cald o in serra, ch’hànn sviluppàa di gètt noeuv, cont el separà i divèrsi tochèj lassandogh 1-2 germèj che poeu i vegnen piantàa.
La ven riprodòtta anca per mèzz de la somènza, e cont i giust cur e furbarij, se pòden ottegnì di piant fiorìd de lì a 6 mes del semineri.
Riferiment
[Modifega | modifica 'l sorgent]- ↑ 1,0 1,1 Khoshoo, T.N. & Guha, I. Origin and Evolution of Cultivated Cannas. Vikas Publishing House
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 2,13 2,14 2,15 2,16 2,17 2,18 2,19 2,20 2,21 2,22 2,23 2,24 2,25 Tanaka, N. (2001) Taxonomic revision of the family Cannaceae in the New World and Asia.
- ↑ 3,00 3,01 3,02 3,03 3,04 3,05 3,06 3,07 3,08 3,09 3,10 Chaté, E. (1867) Le Canna, son histoire, son culture. Libraire Centrale d'Agriculture et de Jardinage.
- ↑ 4,00 4,01 4,02 4,03 4,04 4,05 4,06 4,07 4,08 4,09 4,10 4,11 4,12 Johnson's Gardner's Dictionary (1856)
- ↑ 5,0 5,1 5,2 5,3 5,4 Robinson W. (1879) The Subtropical Garden, John Murray, Albermarle St, London, England.
- ↑ 6,0 6,1 6,2 6,3 6,4 6,5 6,6 Prince, Linda M.* and W. John Kress. Smithsonian Institution. URL consultad in data 10 dicembre 2009. (arqiviad de l'url orijenal in data 12 marzo 2007)
- ↑ Proposal to conserve the name Canna tuerckheimii