Và al contegnud

Cairoeul (dint)

De Wikipedia
Lombard Quest articol chì l'è scrivud in lombard, con la Noeuva Ortografia Lombarda
Un dent de mez cont un gran cairoeul

El cairoeul (del latin caries) a l'è una malatia degenerativa che la colpiss i tessut dur del dent che la vegn a causa de bateri che gh'è comunement in la boca che, se i dint inn minga sgurad ben o gh'è di problema imunitari, se meten su 'me placa dental e riven a desligà la strutura minerala di dint, cont el lassà di bus che poden anca fà un gran mal, se 'l riva a tocà la dentina o la polpa del dent.

Al d' d'incoeu el cairoeul a l'è retegnud irreversibel, e donca un dent cont un bus el ghe l'havarà per semper, ma l'odontoiatria la gh'ha di tecneghe per limità i dagn: in del cas de cairoeui piscinit se po sigillàlla, inscì de sbassà la possibilità che la se desvilupa, e gh'è anca di soluzzion medisinai che poden menà un cairoeul a fermàss. Se gh'è sgiamò di dagn, se po toeu via el tessut malad e sostituìll cont una oturazzion che ghe dà la forma giusta al dent e 'l protesg el so tessud. In cas che l'è propi gram e l'è rivad al nerv, a gh'è de devitalizàll, o ben toeu via la polpa e impienìll de una sostanza al so post, in quella manera chi el dent el sarà mort e 'l farà pu mal, menter in di cas propi pussee gram se po rivà a cavà el dent.

Bibliografia[Modifega | modifica 'l sorgent]

Alter proget[Modifega | modifica 'l sorgent]