Butte

Ol Butte de Merrick in de la Monument Valley

I Butte (parnunziaa bjuut) i è di culìne che i se tróa desperlùre ‘n mèss a öna pianüra o a ün altipià e i gh’à prìma di versàncc piö o méno ‘n pé che i dientà di mür verticài e ‘nfìna sö ‘n sìma i è piàte e i gh’à öna spéce de "teràss" che l'è metìt ach a 300 méter sùra ‘l lièl de la pianüra. Gh'è però di Butte che i gh'à mia 'l tochelì 'n pià sö sö la sìma.

Butte l'è öna paròla che la é dal Francés e la öl dì culìna picinìna e l'è dovràda sura de töt in del òest di Stacc Ünìcc; in del süd òest i Butte i è ciamàcc ach Mesa.

I Butte piö famùs i s'i a tróa in de la Monument Valley, che in Lumbàrt l’ völ dì la Al di Monümencc, che l’è öna regiù del altipià del Colorado, 'ndóe i è stai giràcc tace film de s-ciopetì e tra chès-ce gh'è de regordà Stage Coach e Se ta cati ta copi giràcc dal John Ford e 'nterpretàcc dal John Wayne.