Bust del Lenin (Cavriagh)

Quest articol chì l'è scrivud in lombard, con la Noeuva Ortografia Lombarda

El Bust del Lenin a l'è un monument sit in la piazza Lenin de Cavriagh, pajes de la provincia de Resg. El bust, fad su in origin per l'azienda Luhans'kteplovoz a Vorošilovgrad, l'era stad robad de la Milizzia Nazzional de la Strada italiana e trafugad in la segonda guerra mondial. Trovad in Toscana e restituid a l'Union sovietega, el governo de Mosca el scerniss de donàll in del 1970 'me rengrazziament al comun emilian che, prima del rivà del fascismo, l'haveva sostegnud el governo bolscevigh e gh'haveva dad anca un poo de daner, inscì de ciapà un rengrazziament del Lenin midem.

Incoeu, vist che l'è stada despess bordegada, la statua original l'è mituda in la biblioteca civega, e in piazza a gh'è una replica. In sul pedestall a gh'è una targa che la dis "L'Union di Republeghe Socialista Sovieteghe a la popolazzion de Cavriagh 1970". Vist che l'era vun di poch statue del Lenin in d'un Pajes del bloch ocidental di temp del comunism, a l'è stad meta de gran turismo, sia per reson politeghe che domà de curiosità.

Bibliografia

Giuseppe Caliceti, Il busto di Lenin, Milano, Sironi, 2004, ISBN 88-518-0032-4.

Alter proget

Wikimedia Commons el gh'ha dent imagin o alter archivi su Bust del Lenin (Cavriagh)