Bob Marley
El Robert Nesta Marley, mej cognossuu 'me Bob Marley (Nine Mile, ses de febrar del 1945 - Miami, vundes de magg del 1981) l'è staa on cantant e musicista giamaican.
Fioeu d'on marinar ingles e de ona donna giamaicana, el Marley l'ha scominciaa a moeuves in del mond de la musega in del 1961. Musicista e filosef, l'è la figura central de la storia de la musega reggae, che con lu l'è deventada anca on stil de vita e ona vision religiosa del mond. L'è consideraa vun di cantant pussee influent de la storia de la musega del XX secol.