Bleem!
Bleem! a l'è staa 'n emulator de la PlayStation relassaa in del 1999 per i Personal Computer e in del 2001 per el Dreamcast. L'è assee recognossuu in la storia di videogioeugh per vèss staa vun di pòcch emulator a pagament venduu cont del marketing aggressiv quand che 'l sistema emulaa a l'éra ancamò in sul mercaa e per avè, grazia ai caus che gh'ha faa la Sony, offizializzaa la legalità de l'emulazion in di Stat Unii.
L'è staa programmaa del Randy Linden, giamò cognossuu per avè portaa Doom! in sul Super Nintendo, in assembly inscì de permètt ai gioeugh de girà a 'na velocità compagna de quèlla original, domà in sui sistema con kernel Windows 9x. A differenza de quant pubblicizzaa, però, la pupart di gioeugh la gh'eva di bug.
L'azienda l'ha saraa in del 2001 dopo che i caus de la Sony gh'hann mangiaa via 'n mugg de danee e 'l Dreamcast el gh'ha avuu mìnga de success, inscì pocch che hinn staa relassaa domà trii pacchett.