Bitt (riaa)

De Wikipedia
Lumbard ucidental Quest articol chì l'è scrivuu in lombard, grafia milanesa.
bussola Disambiguazión – Se te see dree a cercà alter segnifegaa, varda Bitt.

El Bitt (in morbegnasch se prononzia [bet]; in italian, Bitto) a l'è on riaa de la Lombardia.
A l'è longh 16,5 chilometer e 'l gh'ha ona pendenza media del 13%. El nass in de la vall con l'istess nomm (in sul filon de montagn che 'l partiss del Pizz di Trii Signor e 'l riva al Pizz di Ferrer), e 'l ghe va dent a l'Ada arent a Morbegn.
El gh'ha duu ramm: vun che 'l nass a Geroeula, e l'olter che 'l ven de Albaree. Oltra a quei duu chì, a gh'è on bell rosc de olter rialitt, che localment a vegnen ciamaa bittai (cioè "Bitt piscinitt").
El par che cont el passà di agn l'abia cambiaa el sò cors: on temp forsi el faseva de confin in tra Regolee e Coeus, intant che adess el passa in tra Bema e Sacch. On temp a l'era el confin in tra i piev de la Vedescia e quella de Berbenn (e poeu con quella de Ardenn).

Bibliografia[Modifega | modifica 'l sorgent]

  • Inventario dei toponimi valtellinesi e chiavennaschi, vol. 15. Territorio comunale di Morbegno, Sondri, Società Storica Valtellinese, 1984.