Bestet

Quest articol chì l'è scrivud in lombard, con la Noeuva Ortografia Lombarda

Mapa del 1763 che la mostra no Bestet, sgiamò dent a Tegnon

Bestet (Bestetto in italian) a l'è un quarter de Coll Brianza, fina ai agn '50 del 1700 comun autònom.

Storia

Comun del mont de Brianza e part de la piev de Massaja, l'è manzonad per la prima voeulta in di Statut di Strade e di Aque. Del 1200 al 1300 circa gh'ha havud dent una comunità di Umiliad.

In del 1411 a inn mitud dent ai zone ghibelline con i imunità e l'ann dopo ghe giuren fedeltà al Duca de Milan.

In del 1751 se descovriss che l'éra infeudada al cont Paol Sorman, che 'l se incagava de la zona, e che la gh'haveva 72 abitant, che votaven trè deputad e un sindegh in su la publega piazza.

In del 1757 a l'è manzonada 'me frazzion de Tegnon, senza sigurezza in su la data de annession. L'ha donca seguid el destin del comun, fina a devegnì part del comun de Coll Brianza.

Robe de vedé

In la località a gh'è 'na veggia fortifegazzion, ciamada "la Torr" (anca in italian), in su la strada per Castell de Brianza, che la faseva part del sistema de defesa de la zona.

A gh'è anca la Gesa de San Martin, fada su in del 1213.

Riferiment

• LombardiaBeniCulturali
• Comun de Coll Brianza