Bermuda (abigliament)

Quest articol chì l'è scrivuu in lombard, grafia milanesa.

I comandant britannegh Robert Brooke-Popham e Archibald Wavell, in de la segonda guerra mondiala.

I bermuda a hinn on tipo de colzon cort, cont ona longhezza che la riva pressapòcch ai genoeucc. A hinn putost spantegaa, in particolar in gins, comè abigliament casual di òmen, mantegnind inscì la comoditaa di tradizionai colzon denim in de la version de l'estaa.

Origen

El soeu nòmm el riva da la soeu popolaritaa in de l'arcipelagh britannegh di Bermuda, indove vegnen mettuu-adòss minga domà comè on capo casual, ma anca in ocasion pussee tiraa, de spess insemma a giacca e cravatta.

I bermuda a hinn nassuu per daa ona soluzione al proibizion imponnuu, d'ona legg locala, ai dònn de fà vedè i gamb tutt biòtt. Minga tròpp temp apos a hinn deventaa on indument anca per i òmen.

Uso

L'esercit britannegh ha adottaa l'uso di bermuda per i stanziament in paes tropegai e in del desert, e al dì d'incoeu sont ancamò part de la divisa de la Marina Reala.

Variant

Cargo-pants

Compagn di bermuda per longhezza a hinn i cargo-pants, che però se desferenzien per avè on taj "baggy", e, in general, vess ancamò men "elegant" di bermuda.

Costumm da bagn bermuda

Per savenn pussee, varda l'articol Boxer (costumm da bagn).

De solet se indica cont el termen "bermuda" anca 'l costumm da bagn per òmm a colzonitt cort.

Vos ligaa

• Short
• Colzonitt da ciclista
• Boxer (costumm da bagn)