Bas aerea de Meiringen
|
Quest articol chì l'è scrivud in lombard, con la Noeuva Ortografia Lombarda |
La Bas aerea de Meiringen a l'è una bas aerea de l'Armada de l'aria svizzera, che l'è in la cità de Meiringen, in del canton Berna. Vuna di bas principai de la defesa aerea svizzera, la gh'ha domà una pista, in su 'na vall de l'Aare, che 'l costegia la bas a Nord, insema a la strada principal per la cità e a la ferrovia del Brünig, menter a Sud a gh'è i vie de rollasg che i menen in di caverne indova che inn tegnud i avion, e l'è l'unega bas elvetega a doperài normalment
Verta in del 1941, in del mez de la segonda guerra mondial, la gh'ha dent i grup de milizzia che doperen i Northrop F-5 e i sgolater de profession che gh'hann i F/A-18 Hornet. La pista la gh'ha un sistema de arrest e l'è traversada de 'na strada, cont un passagg a nivell protesgiud de la polizzia militar quand che gh'è de fà partì o aterrà un reoplan. Quella roba chi la mena vari turista e passionad, per lor a gh'è anca un musee, vert el mercoldì a la bassora de masg a otover.
Riferiment[Modifega | modifica 'l sorgent]
Alter proget[Modifega | modifica 'l sorgent]
Wikimedia Commons el gh'ha dent imagin o alter archivi su Bas aerea de Meiringen
