Bandere di corse

Quest articol chì l'è scrivud in lombard, con la Noeuva Ortografia Lombarda

Banderista de la pista

I bandere di corse inn doperade tradizzionalment in di motorsport per dìgh ai pilota i condizzion de la pista e dàgh di alter messagg important. In origin eren dade di comissari de gara, ma al dì d'incoeu inn spantegad semper pussee di sistema eletronegh che mostren di lus in pista o anca in la gabina del mez.

I regole varien de competizzion a competizzion e de federazzion a federazzion, e gh'è di variazzion per esempi de gara o de qualifega o di proeuve, ma a gh'è di pont in comun, per esempi:

• Bandera a scach: fin de la session
• Bandera rossa: la session a l'è sospenduda
• Bandera sgialda: pericol in pista (con varie variazzion, ad esempi, per la safety car)
• Bandera bloeu: veicol dree che 'l dev passà
• Bandera rossa e sgialda: oeuli o roba che la fa scarligà in su la pista, doperabel anca per i bestioline in pista
• Bandera verda: fin di ris'c
• Bandera negra: desqualifega o oblegh de tornà ai box per penalità o problema (anca chinscì, gh'è di variazzion)

Riferiment

• Flag Definitions

Alter proget

Altri progetti

• Wikimedia Commons

• Wikimedia Commons el gh'ha dent imagin o alter archivi su Bandere di corse