Attentaa a Berlin del 2016
El 19 de dicember del 2016, ai or 20:00 locai circa, on camion l'entra in d'on marcaa de Nedal in la Breitscheidplatz a Berlin, capitala de la Germania e 'l coppa 12 person e 'l feriss 49 person.
El camion l'era on Scania cont la targa polacca, ma partii da l'Italia per ona compagnia de straport. A guidàll l'era el cusin del proprietari de l'azienda, el scior Lukasz Urban, che l'ha combattuu finna a la fin per evità l'attacch, ma l'è staa ferii dal terrorista a cortelaa e coppaa a colp de pistola. El terrorista l'è poeu scappaa in del Giardin Zoologegh de Berlin.
L'è staa subit menaa via on omen pakistan, che poeu l'è staa relassaa perchè legaa no ai attacch. In del camion l'è staa trovaa el foeuj de espulsion de 'n tunisin, Anis Amri, pregiudicaa in Italia e condanaa a 4 agn per avè daa foeugh al sò center de recojenza. Ai tre or de nocc del 23 de dicember a l'è coppaa a Sest San Gioann in d'ona sparatoria con la Polizia de Stat.
L'ISIS l'ha poeu rivendicaa l'attentaa in su l'agenzia Amaq.
Reazion[Modifega | modifica 'l sorgent]
La cancelliera Angela Merkel l'ha daa subit el sò cordoeuj per i mort, e l'è stada seguida dal premier italian Paolo Gentiloni. El President elegiuu Donald Trump, vist anca el sassini del Andrei Karlov e ona sparatoria in d'on center islamegh a Zurigh, l'ha dii che 'l mond occidental el gh'ha de cambià la manera de pensà.
Per sicurezza in Europa el s'è volzaa el nivell d'allarm: Per esempi a Milan hinn staa mittuu di barrer anti-camion per evità di attacch comé quest chì.
Vos correlaa[Modifega | modifica 'l sorgent]
Riferiment[Modifega | modifica 'l sorgent]
- Berlino, camion contro mercato Natale: 9 morti e 50 feriti. Era partito dall'Italia. Ministro Interno: 'Indizi indicano attentato'
- Attacco a Berlino, il camion veniva dall’Italia
- Attentato a Berlino, tir travolge folla nel mercato di Natale: 9 morti, 45 feriti. Due persone a bordo: una uccisa, l'altra arrestata
- Attentato a Berlino, almeno 12 morti I dubbi sul pakistano arrestato: «Il killer è armato e ancora in fuga»
- Attentato Berlino, caccia al 24enne tunisino Anis Amri. Filmato 8 ore dopo la strage davanti a una moschea
- Attentato al mercatino di Natale di Berlino. Rilasciato pakistano sospetto, killer ancora in fuga
- Terrorismo, il prefetto dopo l'attacco di Berlino: "A Milano barriere anticamion nei mercatini di Natale"
- L'attentatore di Berlino Anis Amri ucciso a Sesto: ha urlato "poliziotti bastardi"