Attacch a forza bruta

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.

L'Attacch a forza bruta a l'è on sistema per descovrì ona password o 'na ciav crittografica che 'l consist in d'on algoritm che 'l proeuva tucc i possibilità finna a trovà quella giusta.

A nivell merament teorich la riva semper al resultaa giust, ma senza on limit massim de temp: A l'è dònca retegnuu el metod pussee lent e de doperà 'me ultima spiaggia.

In crittanalisi[Modifega | mudìfica 'l sorgènt]

In crittanalisi a l'è doperaa per attaccà la ciav de on cifrari che 'l se cognoss no, e che donca se pò no taccà in manera pussee bona cont di tecnegh spezifich. Esempi famos a hinn staa i macchin doperaa per decrittà i cifrari todesch in la segonda guerra mondial, comè la Bomba e i lavor de l'Alan Turing.

In sicurezza[Modifega | mudìfica 'l sorgènt]

In sicurezza informatega se dopera soratutt per descovrì i password, che a differenza di ciav de crittografia, tipicament faa a cas, a hinn ligaa a on concett uman che 'l se pò regordà, dònca cont on'entropia pussee bassa. A l'è retegnuu dònca on attacch secondari perchè l'è possibil che ghe sien di maner pussee fazil de trovà la password, come on dizionari.

Riferiment[Modifega | mudìfica 'l sorgènt]

Vos corelaa[Modifega | mudìfica 'l sorgènt]