Armenia Wilsoniana

De Wikipedia
Jump to navigation Jump to search
Quell articol qì l'è scrivud in Lombard, ortografia SL.
Comè qe la saress l'Armenia Wilsoniana

Armenia Wilsoniana (in armen Վիլսոնյան Հայաստան) l'è ol nom dovrad per riferir-s a l'entitaa statala armena ipotizada ind el tratad de Sèvres (agost 1920) del Departement de Stat del president american Woodrow Wilson.[1] L'era plu granda de l'Armenia d'incœ, e la g'hiva dent una part dei terre storege armene plu i terre dei grec del Pont. A'l prencepe s'era pensad de lassar i grec deperlor, ma vesta la posizion complicada qe l'havress havud ol nœv stat, s'era decidid de jontar-i a l'Armenia.

La plu part del territore l'era stait teater del Jenocidi armen, ma anca la nœva republega turca de Kemal Atatürk la g'hiva miga intenzion de lassar-l indar. Ol tratad de Sèvres l'è mai stait ratifegad e despò de la vitora turca ind la guerra turco-armena l'è stait firmad ol tratad de Alexandropol (december 1920), col qual l'Armenia l'ha duxid renonziar ai confin wilsonian.

Riferiments[Modifega | mudìfica 'l sorgènt]

  1. (EN) Hovannisian, Richard G. (1996). The Republic of Armenia, Vol. IV: Between Crescent and Sickle, Partition and Sovietization. Berkeley, California: University of California Press, 40–44. ISBN 0-520-08804-2.