Apple II Plus

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
Apple II+

L'Apple II Plus, stilizzaa in Apple ][+, a l'è stada la prima evoluzion de l'Apple II, venduu dal 1979 al 1982 per $1195.

Caratteristich[Modifega | mudìfica 'l sorgènt]

El sistema a l'éra venduu cont 16, 32 o 48 KB de RAM, espandibil a 64 KB cont la Language Card. El processor 6502 el supportava domà 64 KB de indirizzament, e 12 eren daa a la ROM e 4 a l'I/O, dònca l'éra doperaa el bank switching per fàll. La scheda la permetteva anca de scambià in tra el nativ Applesoft BASIC e 'l primitiv Integer BASIC e la serviva anca per el LOGO, l'Apple Pascal e 'l FORTRAN 77.

El sistema l'éra anmò mia bon de doperà i letter minuscol e l'è staa l'ultim PC Apple cont el botton "Repeat", poeu sostituii di fresc normai.

Variant[Modifega | mudìfica 'l sorgènt]

Europlus e J-Plus[Modifega | mudìfica 'l sorgènt]

Dòpo del success american de l'Apple II a l'è staa deciduu de vendèl anca in Europa e Giappon.

La version europea la supportava i voltagg locai e 'l PAL monocromatich, per el color l'éra necessaria ona scheda de espansion. La tastadura a l'éra però americana, senza i caratter speciai di lengov europee.

La version giapponesa, senza gran success, la metteva i katakana in di sò caratter.

Clon[Modifega | mudìfica 'l sorgènt]

Clon Bell & Howell

L'ITT 2020 a l'è staa el primm clon Apple autorizzaa, e l'éra destinaa al mercaa europee, con pien suppòrt al PAL a color.

Anca la Bell & Howell l'ha poduu vend di clon, senza possibilità de vèss vért fazilment e cont pussee capacità audio. A l'éra in d'on particolàr case negher, unich per on computer autorizzaa Apple finna al Macintosh TV del 1993.

Vos correlaa[Modifega | mudìfica 'l sorgènt]