Bank switching
El bank switching a l'è 'na tecnega doperada per volzà la memoria a disposizion oltra a quella che el processor a l'è bon de indirizzà, soratutt doperaa in di computer e in di console a 8 bit, menter incoeu a l'è limitada a 'na quaj situazion particolar, soratutt in di sistema embedded.
El consist, in sostanza, in l'avègh pussee banch de memoria de la dimension massima che la se pò supportà e doperà on circuit (se i paginn a hinn du l'è assee on bistabil) per dì a la cartoccia el banch de doperà, in manera trasparenta per el processor, che 'l sa nanca che 'l gh'è el meccanism. Di temp di console a 8 bit el permetteva de fà di gioeugh de granda dimension e donca pussee bej de giugà per i sgent, ma l'era doperaa anca in di primm PC IBM per doperà pussee de 64 KB de memoria.
Incoeu la segmentazion e i memory management unit han sbassaa nettament la necessità de doperà 'sti tecnegh chì, che resten doperaa in di contest minoritari, per esempi in di sistema embedded, indova che l'è men complessa di tecnegh modern.