Antonio Turra

De Wikipedia
Jump to navigation Jump to search
Chest artícol a l'è scricc in Lumbàrt Orientàl, ortograféa unificàda Lombard oriental

Antonio Turra (Vicènsa, 25 de màrso del 1730 - 6 de setèmber del 1796) l'è stàt en dutùr e botànich ai tép de la Repüblica de Venésia. L'è stat segretàre de l’Académia de l'Agricultüra e member de divèrse académie italiàne e forestére.

L'è nasìt a Vicènsa ai 25 de màgio del 1736, fiöl de Giovan Battista e Angela Spezzato. El vignìa de 'na famìa citadìna mìa gran ché sciura ma che stàa bastànsa bé. El s'è laureàt en Midizìna e 'n Filozofìa a l’Üniversità de Padova, a amò zùen fés el s'è mitìt a fà la profesiù de dutùr a Vicènsa. El s'è pasiunàt ai stüde de botànica e 'l s'è guadegnàt 'na sèrta reputasiù. El g'ha fat el diritùr de l'Órt botànich de l'órt botànich del vèscof Marco Giuseppe Corner e de chèsto el g'ha lasàt el Catalogus plantarum horti Corneliani methodo sexuali dispositus anno MDCCLXXI, atque ab Antonio Turra elaboratus.

Endèl 1780 el g'ha püblicàt el Florae italicae prodromus, en catàlogo de presapóch 1700 spéci de piànte italiàne, clasificàde segónt el metodo del Linèo. A chèsta òpera gh'è stat zontàt el süplemènt Insecta vicentina. Amò 'ncö l'è inédita l'òpera — conservàda 'ndèla Bibliotéca Bertuliàna — Vegetabilia Italiae indigena, methodo linneiano disposita, che la töl dét la clasificasiù e la descrisiù de 'n bèl nömer de piànte. El test del manoscrit l'è mai stat finìt.

Del 1780 al 1795, dòpo ìga utignìt el permès del Senàto, el s'è mèt a fà pò a 'l tipògrafo, suradetöt de òpere de agricültüra. L'è mórt a 66 agn, ai 6 de setèmber del 1796.

Riferimèncc[<small>Mudifega</small> | mudìfica 'l sorgènt]