Anophthalmus hitleri

De Wikipedia
Lombard Quest articol chì l'è scrivud in lombard, con la Noeuva Ortografia Lombarda
L'inset

L'Anophthalmus hitleri a l'è un inset orb che 'l se troeuva apena in cinch caverne umed de la Slovenia, e se pensa che 'l sibia 'na spece predatoria, per via di so parentelle con di olter inset foeura di caverne.

El so peculiar nom l'è stad scernud del collezzionista todesch Oskar Scheibel, che l'ha crompad un inset descognossud in del 1933 e l'ha scernud de dàgh el nom de l'Adolf Hitler, apena deventad cangeler de la Germania. El Führer l'ha mandad anca una letera de rengrazziament al Scheibel.

A bon cunt, el gh'ha nissuna carateristega interessant, ma l'è collezzionada soratut per el so nom, sia di collezzionista di inset che de quei de memorabilia de l'Hitler, roba che la mena a ris'c de estinzion.

Dopo de la segonda guerra mondial la Comission Internazzional de Nomenclatura Zoologega l'ha scernid de cambiàgh no el nom, desgià che l'è stad publegad a respetà ogni regola.

Riferiment[Modifega | modifica 'l sorgent]

Alter proget[Modifega | modifica 'l sorgent]