Altostrato

Quest articol chì l'è scrivuu in lombard, grafia milanesa.

Altostrato.

L'Altostrato (in latin altostratus, abbreviadura As) a l’è ‘na nivola media, misa a circa 2000-6000 m d'altèzza, de color grisaster, e che di vòlt el tend a l’azzur, mai bianch.

Caratteristich

A l’è ‘na nìvola che la gh’hà on spessor de centèn o miàr de meter e 'na granda estension orizzontàl (desén o centèn de chimòmetri); despèss la quatta d’ona manera uniforma el ciel (intra 6 e 8/8). La pò caosà di precipitazion débol o – qualora che i condizion atmosferegh hinn giust– traformàss ind on nembostrato (Ns altostratomutatus) e donca originà di pioeuv oppùr di nevicàd fòrt. Di vòlt, l’altrostrato el preannunzia che di temporaj hinn adrée a vesinàss.

L’altostrato el se forma quand che ‘na massa d’aria ai livèj medi de l’atmosfera la se scontra con ona massa de aria frèggia; despèss a l’è on precursór de on front cald che l’è ‘drée a vesinàss, e l’insegna che la zòna centràl de la perturbazion l’è molto vesina.

Specie

I altostrati, ‘me i nembostrati, hinn minga suddivìs in specie de già che gh’hànn di caratteristich uniform.

Varietà

Gli altostrati pòden vèss distint in quèj varietàa chì:

• Altostratus duplicatus (As du);
• Altostratus radiatus (As ra);
• Altostratus opacus (As op);
• Altostratus translucidus (As tr);
• Altostratus undulatus (As un);

I varietà opacus e translucidus, quand che gh’è la primma la pò nò vessegh la segonda..

Galleria d'immagin

• 
  Altostratus undulatus quand che ‘l sol l’è ‘drée a levà su.
• 
  Altostratus opacus al confin de on front frègg
• 
  Altostratus translucidus e sòta luu on cumulus humilis
• 
  Altostratus translucidus

Bibliografia

• Salvatore Abate, Lezioni di meteorologia generale, 2, Napoli, Liguori editore, 1986. 978-88-08-07315-0
• (EN) Altostratus. URL consultad in data 22 agosto 2014. (arqiviad de l'url orijenal in data 17 marzo 2014)

Vos correlaa

• Strato
• Nivola