Althaea officinalis

De Wikipedia
Va a: navegá, truvá
Chest artícol a l'è scricc in Lumbàrt Orientàl, ortograféa unificàda Lombard oriental
Althaea officinalis
or.: Bonaéscc
A. officinalis
A. officinalis
Classifigazion sientífiga
Regn: Plantae
SubRegn: Tracheobionta
Division: Magnoliophyta
Clas: Magnoliopsida
Subclassa: Dilleniidae
Ùrden: Malvales
Famìa: Malvaceae
Sota-famìa: Malvoideae
Stìrpa: Malveae
Zèner: Althaea
Spéce: A. officinalis
Nomm binomial
Althaea officinalis
L.

Althaea officinalis (cunusìda 'n bresà col nòm de bonaéscc[1]) l'è 'na spéce de piànta erbàcea che fà part de la famìa botànica de le Malvaceae. cultiàda zamò 'ndèla antichità per vìa de le sò proprietà medicinài.

Descrisiù[Mudifega | mudìfica 'l sorgènt]

Piànta perène, erbàcea, co la raìs carnùza furmàda de divèrsi füs storzégn, biànch de dét, zalcc de föra; i gamp i g'ha 'na pelüria spèsa, dricc e nömerùs, sèmpe o poch ramificàcc, 'nfìna a 1,5 m.

fiùr

Le fòie le g'ha 'n gambì cürt e stìpole, i è altèrne, palminèrvie, peluzète sö töte dò le fàce. I è 'ntréghe o a 3÷5 lòbi: chèl centràl l'è piö gròs.

I fiùr 3÷5 ghèi, portàcc ensìma a pedùncoi che é fò a la sèa de le fòie o 'nsìma ai ram de la piànta. I pétali i è culùr ròza ciàr. I fiorés 'ntra Magio e Óst

I fröcc i g'ha 'na pelüria bèla fìna e spèsa, e i è furmàcc de divèrsi achéni mitìcc a sércol giü arènt a l'óter aen nömer de 10 o vint e a fùrma de rugnù.

Habitat[Mudifega | mudìfica 'l sorgènt]

Se la tróa de spès en pòscc ömecc, dré ai fòs, pò a 'n prezènsa de àiva salmàstra, dei 0 ai 1200 méter sùra del leèl del mar.

Sinònim[Mudifega | mudìfica 'l sorgènt]


Riferimèncc[Mudifega | mudìfica 'l sorgènt]

  1. Giovan Battista Melchiori, Vocabolario bresciano - italiano, 1817, pag.79
  2. http://www.tela-botanica.org
Commons-logo.svg
Wikimedia Commons
al gh'a dent roba culegada a: