Strat limit planetari

Quest articol chì l'è scrivuu in lombard, grafia milanesa.

El strat limit planetari (PBL - de la lengua inglesa Planetary Boundary Layer) a l'è on strat de atmosfera taccàa a la superfice del soeul indoe gh'è l'influenza del soeul in su la temperadura de l'aria. El sò spessór l'è nò l'istèss in del cors del dì de già che 'l dipend de l'intensità de la messedada turborenta.^[1]

Denter in quèl strat chì hinn comprés du strat pussée piscinìtt: el strat turborént superficiàl e 'l strat lìmit laminà, el primm al'è quèll indoe la turborenza l'è maggiora per via di vòrtes caosàa de la grinzositàa del soeul, el second a l'è on strat de pòch millimeter arént al soeul indoe a gh'è nò la turborenza.^[2]

Variazion del spessor del strat lìmit planetari

In di or diurni quand che la tèrra la ven scaldada del sol a gh'è el trasferiment del calor de sora, soratutt per via di tèrmich e la soa altèzza la pò andà fin a 1-2km. De nòtt la tèrra la se infrèggia pussée a la svèlta de l'atmosfera (per irradiazion quand che 'l ciel l'è senza nivol) inscì che l'è l'atmosfera che la ghe dà el sò calor al soeul; el raffreddament conseguent del strat de aria pussée taccàa al soeul el tend a fà annullà la messedada (inversadura tèrmica) , l'altèzza la soa altèzza la va già fin a 100m del soeul.^[1] De sorapù el passagg di perturbazion (compagn di ciclon extratropicaj, uragan etcetera) l'àltera el spessor de strat limìt planetari.

Altèzza de messedada

A l'è ciamada altèzza de messedada l'altèzza de on strat arent a la superfice del soeul, fin a la quàl on compòst chimich manda foeura al soeul el pò rivagh de li a vun ora per via de la turborenza meccanica e tèrmica. ^[3]

Vos correlaa

Riferiment

↑ ^1,0 ^1,1 Mario Giuliacci (2010). Manuale di meteorologia (in italian). Alpha Test, 38. ISBN 88-483-1168-7.
↑ Mario Giuliacci (2010). Manuale di meteorologia (in italian). Alpha Test, 38. ISBN 88-483-1168-7.
↑ https://www.arpa.veneto.it/temi-ambientali/meteo/approfondimenti/meteorologia%20ambientale/pbl-planetary-boundarylayer#:~:text=L'altezza%20di%20rimescolamento%2C%20che,influenza%20direttamente%20la%20concentrazione%20degli

[giuliacci38-1] 1,0 ^1,1 Mario Giuliacci (2010). Manuale di meteorologia (in italian). Alpha Test, 38. ISBN 88-483-1168-7.

[giuliacci39-2] Mario Giuliacci (2010). Manuale di meteorologia (in italian). Alpha Test, 38. ISBN 88-483-1168-7.

[3] ttps://www.arpa.veneto.it/temi-ambientali/meteo/approfondimenti/meteorologia%20ambientale/pbl-planetary-boundarylayer#:~:text=L'altezza%20di%20rimescolamento%2C%20che,influenza%20direttamente%20la%20concentrazione%20degli

[1]

[2]

[3]