Advent
|
Quest articol chì l'è scrivud in lombard, con la Noeuva Ortografia Lombarda |
L'advent a l'è el temp che i cristian se preparen a celebrà el Nedal, o ben la festa del nassiment del Gesù, e in del cristianesim ocidental el representa el principi de l'ann liturgegh. In principi a l'era un temp de desunà, indova che quei che voleven vesser batezad el faseven insci de preparàss e 'l rest de la comunità cristiana ghe stava adree, quand che el temp de la Pasqua e de la quaresma l'è stad pu assee per tucc quei che voleven vesser batezad: al dì d'incoeu la pupart di gese l'ha tolt via el precet de la renonzia.
In la Gesa catolega de rit roman el po scomincià del 26 de november al 2 de dicember e 'l finiss a la vigilia, in del rit ambrosian el scomincia la prima domenega dopo del San Martin, el 11 de november, e 'l dura per ses domeneghe: i so date inn compagne in del rit mozarabegh. In la pupart di Gese ortodosse el dura 40 dì, tant 'me la quaresma, e l'è ciamad desun de la Natività. Anca i anglican e i luteran el celebren.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikiquote el gh'ha dent citazzion de o su Advent
Wikimedia Commons el gh'ha dent imagin o alter archivi su Advent
