Adenosina trifosfad

De Wikipedia
Jump to navigation Jump to search
Quell articol qì l'è scrivud in Lombard, ortografia SL.

L'adenosina trifosfad (ATP) l'è un compost organeg complex qe al mena enerjia per tirar inants tants process ind le cellule vivente, comè prexempe la contrazion dei muscoi, la propagazion del impuls nervos o la sintes qimega. L'ATP la se cata ind tœte le forme de vita, e se dix de spess qe l'è la "moneda" del trasferiment de enerjia intracellular. Quand qe l'è consumada ind i process metaboleg, la se convert ind adenosina difosfad (ADP) o in adenosina monofosfad (AMP). Cond olter process l'organism l'è bon de rejenerar la ATP, e la se pœl insé doprar torna per di olter process qe i g'ha bexogn de enerjia. L'è anca un precorsor del DNA e del RNA, e l'è doprada 'mè coenzima. Del pont de vista bioqimeg, l'ATP l'è classifegada comè un nucleosid trifosfad, che vœl dir qe g'è denter tre components: una base nitrœjenosa (adenina), el zœqer ribosa e el trifosfad.