Hedera helix

Hedera helix
or.: ligabósch, édera
	; Hedera helix
Classifigazion sientífiga
Regn:	Plantae;
SubRegn:	Tracheobionta;
Division:	Magnoliophyta;
Clas:	Magnoliopsida;
Subclassa:	Rosidae;
Ùrden:	Apiales;
Famìa:	Araliaceae;
Sota-famìa:	Aralioideae;
Stìrpa:	Schefflerieae;
Zèner:	Hedera;
Spéce:	H. helix;
Nomm binomial
	Hedera helix; L.

Hedera helix (en bresà: ligabósch) l'è 'na piànta de la famìa botànica de le Araliaceae. L'è 'na spéce uriginària dei bósch ömecc de l'Euròpa ucidentàla, centràla e meridiunàla, de l'Africa setentriunàla e de l'Asia, de l'India 'nfìna al Giapù.

L'è 'na piànta rampicànta che g'ha fòie perèni. L'è stàda de spès dopràda 'ndèla midizìna popolàr, La se rampéga dré a le ótre piànte e 'na sùla casàda la pöl rià a éser lónga 'nfìna a 50 méter.

El ligabósch l'è 'na piànta relìta e giü dei rar ezèmpe scampàcc en Europa de la flòra laurisilva de l'era tersiària.

Fòie

Le fòie i è sèmpe, altèrne, scorzégne, löstre, de culùr vért scür, de 5 a 10 ghèi de larghèsa. Se pöl troà du tìpi de fòie diferèncc en la stèsa piànta: chèle dei ram che pórta mìa i fiùr, i è lobulàde; chèle dei ram che pórta fiùr envéce le g'ha poch o negót de lòbuli.

Fiùr

I fiùr i è pesègn e de culùr vért reünìcc en umbrilìne a fùrma de balunsì che se piéga zó 'nfìna a tocà tèra.

Fröcc

El fröt l'è 'na bàca négra grànda presapóch compàgn de 'n grà de roaiòt con 2-5 granì de somésa. l'è vilinùs.

Sinònim

Hedera poetarum Bertol.
Hedera poetica Salisb.^[1]

Varietà

Hedera helix subsp. helix
Hedera helix forma poetarum (Nicotra) McAll. & A.Rutherf.
Hedera helix subsp. rhizomatifera McAll.^[2]

Riferimèncc

↑ Sinònim endèl Catalogue of life [1] Arqiviad qé: [2]
↑ Varietà 'ndèl Catalogue of life [3] Arqiviad qé: [4]

[1] Sinònim endèl Catalogue of life [1] Arqiviad qé: [2]

[2] Varietà 'ndèl Catalogue of life [3] Arqiviad qé: [4]

[1]

[2]