Vault 7

Quest articol chì l'è scrivuu in lombard, grafia milanesa.

Vault 7 l'è 'na seri de document segret de la CIA relassaa de WikiLeaks el 7 de marz del 2017 che cuntaven su comé fà la guerra informadega e la sorvejanza digital.

I file, dataa 2013-2016, mostren di metod per sbusà la sicurezza di browser, la pupart di smartphone (Android e iOS), i sistema desktop e anca di Smart TV ma minga di exploit che pòden vess doperaa di virus writer.

L'è staa descovert anca che i Stat Unii faseven spionagg de massa in Europa cont bas el Consolaa General di Stat Unii a Francofort, in Germania. El procurator todesch l'ha scominciaa di indagin.

Tecnologia comprometuda

Smartphone

Sia i smartphone iOS che Android seren tacaa cont i strument elettronegh del governo american, la Apple però l'ha garantii che 'sti menasc de sicurezza hinn staa giamò reboccaa cont el ultim iOS.

Messaggistega istantanea

In di document l'è 'gnuu foeura che Telegram e Signal hinn segur a nivell crittografegh, e che donca gh'è besogn de infettà el smartphone per sbusàj.

Centralin di vettur

WikiLeaks l'ha sostegnuu che la CIA la pò modifegà i centralin di vettur e addirittura coppà 'na persona senza fàll descovrì, ma nissun ricercador independent l'ha confermaa la possibilità.

Weeping Angel

L'attacch Weeping Angel el pertoca i Smart TV de la Samsung e 'l permett el sò us 'me strument de sorvejanza. A bon cunt gh'è besogn de avègh 'n access USB a la Television, e donca l'è mia ritegnuu bon per la sorvejanza de massa.

Ligamm de foeura

• In sul sitt de WikiLeaks

Riferiment

• No, la CIA non ti spia: Wikileaks gonfia la fuga di dati “Vault 7”