Volusian
El Volusian (nomm complett in Latin: Caius Vibius Afinius Gallus Veldumnianus Volusianus; ... - Terni, agost 253) l'è staa on imperador roman in del period 251-253.
Vita[Modifega | modifica 'l sorgent]
Lù a l'era el fioeu de l'Imperador Trebonian Gall e de la soa miee Afinia Gemina Bebiana.
Quand che 'l pader l'è diventaa imperador in del 251, lù l'è staa nominaa ceser, menter co-imperador l'era el fioeu del vegg August Decio, cioè l'Ostilian.
Poeu però l'Ostilian l'è mort de peste, inscì el Trebonian Gall l'ha ciamaa el proppi fioeu e l'ha faa vegnì imperador insema a lù. In 'sto period l'è staa consol dò volt: la prima in del 252 insema al pà, poeu in del 253 insema al Valeri Massim.
Quand che 'l general ribell Emilian l'è partii per l'Italia, i duu imperador hann taccaa a 'ndàggh incontra, anca se adasi: speraven che rivass el sò amis Valerian de la Rezia coi sò armad:. Ma el Valerian l'è minga rivaa, inscì gh'hann avuu de combatt arent a Terni e hann perduu. Menter ch'eren dree a scappà, i sò soldaa j'hann tradii e j'hann coppaa. L'era l'agost del 253.
Bibliografia[Modifega | modifica 'l sorgent]
- Zosim, Storia noeuva, I.28.