Scira

De Wikipedia
Lumbard ucidental Quest articol chì l'è scrivuu in lombard, grafia milanesa.
La scira de 'na candela fonduda.

Scira (o anca scila) l'è 'l nomm che ghe demm a la sostanza cavada foeura di avigg e che lor doperen per fà su i fav.
Inoltra in general ghe disom scira a la sostanza che la gh'ha quei caratteristegh chì:

  • l'è ladina a temperadura ambient;
  • la gh'ha el pont de fusion de circa 43°C;
  • l'è minga inscì viscosa quand che la ven fonduda;
  • la se deslengua minga in de l'aqua;

La scira, donca, la pò vess natural o artifizzial: de origin animal, vegetal, mineral o frutt de la lavorazion del petroli (compagn de la paraffina).
La gh'ha tanti fonzion, per esempi l'è doperada per i candil.

El nomm[Modifega | modifica 'l sorgent]

La parolla scira la riva del latin cēra, con l'istess significaa. L'è doperada in tutt i lengov romanz (italian, catalan e spagnoeu cera, frances cire, romen ceară, sicilian cira, piemontes sira, venet çera, forlan cere, ligur sèia, sardegnoeu gera). La gh'ha di equivalent in di lengov celtegh (irlandes céir, breton koar, galles cwyr, manx kere, cornovajes kor, scozzes cèir). La vos latina l'è rivada anca in de l'albanes (qiri) e in del grech modern (kerì).