Rorè

Quel articul chì l'è scrivüü in Lumbard ucidental urtugrafia ünificada.

• Dato che el grup di dialet del Insubria el comprent chel de Rorè, chest articol l'è scric in dialet de Rorè.

Rorè
Canton	Graubünden
Distret	Moësa
Cuurdinaa	46°14′N 9°07′E
Popolazion	2 437 ab.  (Al Dic 2011)
Superfis	38.78 km²
Altitüden	298 m
Còdas postal	6535
Website	www.roveredo.ch
Localitaa	Laura, San Giuli, Piazzeta, Carasoo, Vera, San Fedee, Sant Antoni
Cumün tacaa	Arbed-Cagion (TI), Buseno, Castaneda, Cunsili (IT-CO), Dòss (IT-CO), Germasin (IT-CO), Gron, Lümin (TI), Sant'Antonio (TI), San Vitor
Rorè

Rorè (in Talian Roveredo, todesch' Rofle) l'è un comun svizzer del Canton Grisun o Grison.

El sa trova in val Mesolcina e el fa part del disc'trèt Moesa. In più l'è el capoluòch del Circol de Rorè.

Rorè el gh'ha begn o maa 2437 abitant e una süperfiss de 38.78 km², e al se tröva a una altitüden de 298 meter sura al livel del mar. L'è el comun del Canton Grisun pissee a sud.

El comun de Rorè a l'è tacaa ai cumün de Arbed-Cagion (TI), Buseno, Castaneda, Cunsili (IT-CO), Dòss (IT-CO), Germasin (IT-CO), Gron, Lümin (TI), Sant'Antonio (TI), San Vitor.

Geografia

Chest comun el sa trova in font a la val Mesolcina e el confina a es'ct con l'Italia (Val Ciavèna), a sud con el Canton Tisin e a ovesc't con la Val Calanca. Per Rorè ach passa la ferovia retica e l'autosc'trada nazionala A13. Chesta autosc'trada la smèzza in dù el paés da quasi quarant'an. Nel 2008 i è inizié i lavor per la circonvalazion de Rorè, defati l'autosc'trada la vegnerà sposc'tada in galrrìa.

Sport

In paés a gh'è diversi società sportif, sa va dal fotbal al schi, dala ginasctiga al bal. Eco i principai società o organisazzion sportif che gh'è per Rorè:

• SC Rorè Roveredo, fotbal.
• SFG Rorè, ginasctiga.
• RACM Grandinani, giovin fotbaleurs.
• Sci Club Rorè, schi e sport invernai alpìn.

Scòla

A Rorè, come nel rèst del Canton Grisun i an de scòla obligatoria i è néf: sés an de scòla elementàr, più trì de scòla media. In paés sa trova i vari asìli comunai, el centro scolastich elementàr e el centro regional dei scòl medi ai Mondàn, dove tucc i mat e i matànn dai trèdes ai quindes an, domicilié nel Circol de Rorè e in val Calanca i è raduné.

Economia

Rorè lè un centro importànt per la Val Mesolcina, anche per via de l'economia. Lè facil trovà un bordel de ditt pinin e, sopratut, el centro del paés l'è zèp de ditt chi ofris servizzi. A l'economia comunala e regionala i ditt che i giòva pissé i è chisti chi.

• Coop, cooperazion per vendita d'alimentàr.
• Raiffeisen, banca, la terza pissé granda a livél svizzer.
• Banca Grigione, banca cantonala del Canton Grisun.
• La Posta, colòs postàl svizzer.
• Crédit Suisse, banca, la segonda pissé granda a livél svizzer.
• Lingera, carnevaa de Rorè, organizzò anualment. El porta in media 20'000 person ogni an da tuta la Mesolcina e da tut el Tisin. L'è nela clasifica dei 5 carnevaa dela Svizzera taliana insema a chel de Bellinzona, Tesserete, Ciass e Biasca.