Roberto Maroni
Roberto Maroni (Varés, 15 de mars del 1955) l'è 'n òm pulìtic italià.
Laureàt en giürisprudènsa, el g'ha lauràt cóme manager dei afàre legài per divèrse aziènde; l'ezèrcita apò a la profesiù de aocàt.
L'è mèmber de la Lega Nord. L'è stat iligìt consigliér münicipàl de Varés endèl 1990 e pò depütàt endèl 1992. Endèl 1993 l'è deentàt capogrùpo parlamentàr de la Léga .
Endèl goèrno Berlusconi I, el vé numinàt Minìster de l'Intèrno e Vice-Presidènt del Consìglio. Endèl 1991, col goèrno Berlusconi II l'è numinàt Minìster del Laurà e 'l rèsta al stès encàrech apò a col goèrno Berlusconi III. Endèl 2008, col goèrno Berlusconi IV, l'è turnàt a éser numinàt Minìster de l'Intèrno.
Dòpo i dimisiù del Umbèrto Bòsi e dòpo öna quach mis de triumviràt insèma al Roberto Calderoli e a la Manuela Dal Lago a càpo de la Lega, ol prim de löi del 2012 l'diènta 'l segretàre federàl de la Lega Nord.
Ol 26 de fevrér del 2013 a i elesiù regiunàle de la Lumbardéa ol Maroni 'l vèns col 42,81%, denàcc al Umberto Ambrosoli candidàt del cèntro sinìstra che 'l se fèrma al 38,24%; ol Maroni 'l diènta isé 'l presidènt de la regiù.
