Giuliano Amato

De Wikipedia
Lombard Oriental Chest artícol a l'è scricc in Lumbàrt, ortograféa bresàna moderna.


Giuliano Amato

Giuliano Amato (Türì, 13 de màgio del 1938) l'è 'n òm pulìtich, giürìsta custitusiunalìsta, mèmber de l'Asociasiù Italiàna dei Costitusiunalìsti e docènt üniversitàre italià.

El g'ha ìt 'na cariéra pulìtica de prim lièl: l'è stat en mèmber del Partìt Socialìsta Italià, el g'ha aderìt a l'Ulivo e per öltem al Partìt Democràtich.

L'è stat apò:

  • Presidènt del Consiglio dei Minìster d el 1992 al 1993 e del 2000 al 2001);
  • Quàter vólte Minìster del Tezór endèi goèrni: Goria e De Mita (1987-89), D'Alema I e II (1999-2000);
  • Minìster per rifùrme istitusiunài endèl Goèrno D'Alema I (1998-99, prim de turnà a ciapà 'n mà 'l Ministéro del Tezór);
  • Minìster de l'Intèrno endèl goèrno Prodi II (2006-08);
  • Presidènt de l'Autorità garante de la concorènsa e del mercàt (Autorità "Antitrust") (1994-97);
  • Vicepresidènt de la Convensiù europèa (2001-03);
  • Cuurdinadùr del Comitat de asiù per la democrasìa europèa, ciamàt «Gruppo Amato» (2006-07).

Endèi agn Otànta el giornalìsta Eugenio Scalfari el g'ha tacàt el scötöm de dottor Sottile, col dópe riferimènt al sò acùme pulìtich e a la sò magrèsa fìzica.

Ai 2 de zögn del 2008 el g'ha anunciàt püblicamènt che 'l se slontanàa definitivamènt de la pulìtica itàliana. Endèl 2009 l'è stat numinàt presidènt de l'Istituto de l'Inciclopedìa italiàna Treccani.