Roasch
El Roasch[1][2] (italian: Roasco) l'è on riaa lombard, afluent de l'Ada. A l'è longh vundes chilometer.
El percors[Modifega | modifica 'l sorgent]
El nass in de la Val Grosina (territori comunal de Gros), in de l'alta Valtolina. El gh'ha duu ramm principai: quell de la Vall d'Eita e quell de la Vall de Sacch. Quest chì el marca el confin in tra Gros e Grosott, in tra la confluenza del Vallon de Guinzana fina a la localitaa de Poncina, che l'è sott a la galleria de la Strada del Domm. La longhezza de quell ramm chì (che 'l nass in del Lagh del Zapellasc) a l'è de pussee de 14 chilometer, cont on deslivell de 2.210 meter e on bassin de regolta de 71,60 chilometer quadraa.
In tra i sò afluent a troeuvom el Riasc de Malghera, el Riasc de Pedrona, el Vallon de Guinzana, el Vallon de Piana e la Vall del Cavall.
Arent a Fusin el se gionta al ramm che 'l riva giò de la Vall d'Eita: lainscì el va inanz fina a Grosott, arent a la Baronessa, e poeu lì el ghe va dent a l'Ada.
Referiment[Modifega | modifica 'l sorgent]
- ↑ Inventario dei toponimi valtellinesi e valchiavennaschi, vol. 30: Grosotto (a cura de Gian Franca Dell'Acqua, Sondri, Società Storica Valtellinese, 2006.
- ↑ paesidivaltellina.it