Ada

Chest artícol a l'è scricc in Bergamasch, ortograféa ünificada

Ada
Statut	{{{14}}}
Lünghèzza	313 km
Altitüden de la surgeent	2 235 m
Purtada media	187 m³/s
Basin imbrìfer	km²
Bassin fluvial collecteur
Al sa trà deent in del	Po
Largeur à l'embouchure
	{{{11}}}
	{{{12}}}
Affluents	{{{13}}}
Cours d'eau - hydrologie

L'Ada al è ü fiöm Lombart ch'al traersa ol lach de Comm e s'al böta in del Po (a la ria mansina). A l'è lonch 313 km.

La sortida a l'è a l’Alpisela a 2235 mt. d'altitüden, int i alp rétighe, al òest del zöch del Stelf. L'Ada süperiur la percur la Valtelina per sirca 100 km prima de bötáss in del lach de Comm, de che a l'è ol prinsipal aflüent. In la bassa Valtelina, la portada del fiöm a l'è fiss redüida a causa d'ü sbarament idroelétregh del ENEL, ch'al sposta i èigue int ü tönel soterane per i dá indré 11 km piö in bass, debot al lach de Comm.

L'Ada inferiura la bagna Lech, Tress, Riölta, Lòot e Castelnöf, punt de conflüenza col Po a 36 m d’altitüd.

Lungh ol sò curs inferiur, du parch natüraj i è stacc creacc ol 16 09 1983:

• ol parch Ada Nord, s'estendent sö 54 km, de Lech (punt in che l'Ada al lassa ol lach de Comm) fí a Tröcassà;
• ol parch Ada Süd, s'estendent sö 60 km, de Riölta (punt in che l'Ada la lassa ol lach de Comm) fí a la boca in del Po.

Idroluséa

La sò alimentassiú principalment d'orísen glassària la gh'à dat ü resim estival, cunt öna portada màssima in zögn-löj. La sò portada média a l'è stacia stimada a 186,85 m³/s. Regurdem che l'Ada al rissef i èigue del Pus·cjavin (fiöm) de la Svízzera.

Cheest artícul al è scrivüü in koiné uçidentala, urtugrafìa ünificada.

Ada
Statut	{{{14}}}
Lünghèzza	313 km
Altitüden de la surgeent	2 235 m
Purtada media	187 m³/s
Basin imbrìfer	km²
Bassin fluvial collecteur
Al sa trà deent in del	le Pô
Largeur à l'embouchure
	{{{11}}}
	{{{12}}}
Affluents	{{{13}}}
Cours d'eau - hydrologie

L'Ada a l'è una flümm^[1] Lumbarda ch'a la trasversa ul laach da Comm e sa la geta íntal Poo (a la riva mancina). A l'è lunga 313 km.

La surtida a l'è a l’Alpisela a 2235 mt. d'altitüüd, int i Aalp rétich, al òvest dal gjööch dal Steelf. L'Ada süperiuur la parcuur la Valtelina par circa 100 km prima da sa bütá íntal laach da Comm, da che a l'è ul principaal aflüeent. In la bassa Valtelina, la purtada da la flümm a l'è fisc redüida a causa d'un sbarameent idruelétregh dal ENEL, ch'al sposta i aqui int un tünel suterani par i dá indrée 11 km plüü in bass, dabott al laach da Comm.

L'Ada inferiura la bagna Lecch, Trezz, Rivölta, Lòot e Castelnööf, punt da cunflüenza cul Poo a 36 m d’altitüüd.

Luungh ul sò cuurs inferiuur, düü paarch natüraal i è staa creaa ul 16 09 1983:

• ul paarch Ada Nòort, s'estendeent sü 54 km, da Lecch (puunt in che l'Ada la lassa ul laach da Comm) fin a Trücassan;
• ul paarch Ada Süüt, s'estendeent sü 60 km, da Rivölta (puunt in che l'Ada la lassa ul laach da Comm) fin a la buca íntal Poo.

Idrulugía

La suva alimentazziú principalmeent d'urígen glazzària la ga dà un regimm estivaal, cunt una purtada màssima in gjügn-lüj. La suva purtada média a l'è stada stimada a 186,85 m³/s. Regurdemm che l'Ada al riceef i aqui dal Pus·cjavin (flümm) da la Svízzera.

Note

1. ↑ la parola flümm a l'è atestada íntal LSI, Pus-ciavin e intal Lüganees, e a l'è da géndar feminin. In di òolt lööch a gh'è anca fiömm/fiömm da géndar mascülin.