Linia Massa-Senigallia
|
Quest articol chì l'è scrivud in lombard, con la Noeuva Ortografia Lombarda |
La linia Massa-Senigallia (ciamada anca Rimen-La Spezzia) a l'è, in lenguistega romanza, un fass de isoglosse, el pussee important de tut el romanz contigov.
A segonda de la font, la partiss tut el grup romanz ocidental (frances, spagnoeul, catalan, lombard ecc.) de quell oriental (italian|, napolitan, romen ecc.) e l'è donca la partizzion la pussee importanta del sistema romanz, o la partiss domà el grup contigov, e donca l'è la segonda partizzion pussee importanta, dopo quella geografega di Balcan.
In linia de massima, i lengov de la banda ocidental de la linia inn pussee innovative, menter quelle a orient inn pussee vesine e conservative rispet al latin. I lengov de l'Altitalia gh'hann di carateristeghe che i svesinen al mond italegh, per esempi in del plural, ma l'è ben ciar la banda de la linia che inn. Una lengua che despess l'è tegnuda foeura de quella partizzion chi a l'è el sardegnoeul, per via del so isolament geografegh e di so carateristeghe particolar.
Bibliografia[Modifega | modifica 'l sorgent]
- Cravens, Thomas D. (2002) Comparative Romance Dialectology: Italo-Romance clues to Ibero-Romance sound change. Amsterdam: Benjamins.