Wikipedia:Parlóm en pó de nóter/setembər 2009
La botànica l'è la scènsa che la se dèdica al stüde dei vegetài (del gréco antìc βοτάνηιϰή; feminiìl de βοτάνηιϰόξ che völ dì «che 'l se referés a le èrbe»). La botànica generàl la ciàpa dét la tasonomìa (descrisiù dei caràter diagnòstic e diferensiài), la sistemàtica (clasificasiù e nömerasiù dei taxon endèn ùrden precìs), la murfulugìa vegetàl (che la descrìf i órghegn o le parcc dei vegetài), la stória vegetàl, la fisiulugìa vegetàl, la biogeografìa vegetàl e la patulugìa vegetàl. Gh'è de le ótre disciplìne, compàgn de la dendrulugìa che i è specializàde söndèn sótansèma de vegetài.
Conóser de fì i vegetài el càta de le aplicasiù endèi setùr de la farmaculugìa, de la selesiù e migliuramènt de la piànte cultiàde, 'n agricültüra, 'n urticültüra, e 'n silvicültüra. ..inacc