Wikipedia:Parlóm en pó de nóter/ginee 2011
El Galanthus nivalis L. (bucanéve), l'è 'na piànta erbàcea de la famìa botànica de le Amaryllidaceae, uriginària de l'Euròpa e de l'Àzia ucidentàla.
Descrisiù
[modifica 'l sorgent]
L'è 'na piànta perène, che rìa a 10 o 15 ghèi de altèsa del teré. La g'ha 'n bùlbo glubùs de 1 a 2,5 ghèi de diàmetro. Del bùlbo vé sö dò fòie, lineàr otüze, de culùr vért-celèst, de 15 a 25 ghèi de longhèsa per 5 mm de larghèsa.
I fiùr i è biànch, che pendùla zó, lónch de 1,5 a 2,5 cm, Ensìma al gambì sènsa fòie de bèl gaiàrt vé sö 'n fiùr sùl. I tépali estèrni i è oblanceolàcc, chèi intèrni i è piö cürcc e i và a strinzìss arènt a la bàze, condèna màcia virdizìna endèla part apicàl.
El fröt l'è 'na càpsula deiscènta con trè vàlve. El Galanthus nivalis el crès en colònie compàte, en pòscc a mèza ómbra e 'l fiorés 'n envéren, de spès amò quan che la néf la s'è gnemò deleguàda del töt.
Nòm popolàr
[modifica 'l sorgent]El nòm popolàr l'è bucanéve, nòm che 'l vé eroneamènte atribüìt àle ólte apò a dèi óter fiùr cóme 'l Leucojum vernum o 'l Helleborus niger.
- >> và 'n nacc a lèzer >>