Wikipedia:Archivi/Pillol de milanes
Ciao
Questa pagina chì la serviss per imparà a scriv con la grafia milanesa. L'è ona grafia che la gh'ha on poo de agn de storia. I sò vantagg principai hinn:
- La gh'ha minga di segn stran
- Despess l'è arent a la scrittura italiana (ma minga semper! Per esempi "statua" se scriv "statoa")
- La gh'ha ona storia
Adess vedemm i differenz con la grafia italiana.
| Milanesa | Italiana | IPA | Not |
|---|---|---|---|
| o | o,u | /o/,/u/ | In di vegg variant la reppresenta sia la "o" sia la "u", incoeu vegn doperaa despess "ò" per la "o" |
| u | ü | /y/ | Se parnonzia 'me la "u" francesa o la "ü" todesca |
| oeu | ö | /ø, /œ/ | Se parnonzia 'me la "eu" francesa o la "ö" todesca |
Adess vedemm i letter speciai de la grafia milanesa:
| Milanesa | Parnonzia |
|---|---|
| S'c | S con la c dolza |
| S'g | S con la g dolza |
| Sg | Me la "j" in del frances "jour" |
El plural
[modifica 'l sorgent]El plural in milanes l'è gram, donca vedemm domà i cas pussee frequent:
| Singolar | Plural | Spiegazzion |
|---|---|---|
| Articol | Articoi | El plural de la "l" l'è "i" |
| Fradell | Fradej | El plural de la "ll" l'è "j" |
| Ann | Agn | El plural de la "nn" l'è "gn" |
| Pedrioeu | Pedrioeui | El plural de la "oeu" l'è "oeui" |
Gh'hinn anca di cas irregolar, ad esempi "pont", "tant" e "tutt" fann el plural "ponc", "tanc" e "tucc"