Vulnerabilità Windows Metafile
La Vulnerabilità Windows Metafile l'è stada 'na vulnerabilità de sicurezza di sistema Windows che la colpiva el formaa de file Windows Metafile, on formaa di immagin, che la permetteva de eseguì del codes arbitrari in sul sistema. L'è stada descoverta el 27 de dicember del 2005 e reboccada da la Microsoft el 5 de genar del 2006.
Windows Metafile l'è on sistema vegg, e 'l gh'aveva 'na fonzion, SETABORTPROC, che la permetteva de fà vergott se 'l redering de 'n file WMF el fuss fallii, tegnuda per compatibilità e giamò sostituida dal Windows 3.1.
L'era 'na falla assee pericolosa, vist che 'l saria staa assee fà andà vergun in su 'n sit cont on'immagen WMF infetta per infettàll, e Windows el permett minga de fà 'na vera distinzion in tra di immagin cont l'estension, donca on file marcaa JPG el podeva vess 'na WMF.