Vettabbia

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

La Vettabbia (on temp la se ciamava Vecciabbia; Vettabbia anca in Italian) a l'è voeuna di ronsg milanes, in de la qual riven i aqui del Seves e de la Mollia, in la part sud de la città.

Storia

La Vettabbia la nass ai temp di Roman 'me canal per riunì i aqui di riaa a nord de Milan. El nomm infatt el vegn del latin vectabilis (cioè bon de trasportà), perchè l'era navigabil. L'è stada coverta domà in del 1929, e fina a quell moment l'era el canal principal per portà foeura de Milan i aqui sporch de la sercia interna di navili (je portava foeura arent a la Porta Ludoviga). Al dì d'incoeu l'è on canal per l'irrigazion.

El percors

La Vettabbia la nass arent a la Vedra, dopo avè ciappaa ona part di aqui del Seves, però la se ved nò, perchè l'è sotta la terra. El ven foeura arent a Morivion, per passà poeu visin a via Ripamonti fina al Vigentin. Poeu la riva a Nosed e Ceravall, indove gh'è anca on parch ciamaa Vettabbia e pò la finiss in del Lamber, a Meregnan. A Nosed gh'è on depurator.

Comun traversaa

Milan (quarter de Morivion, Vigentin, Vaian, Nosed e Ceravall)
San Donaa (Cives e Civesin)
San Giulian (Viboldon)
Meregnan