Val de Sol
La Val de Sol (Val di Sole in Italian; Val de Sól in Solander; Sultzberg o Sonnertal in Todesch) l'è ona vall del Trentin nòrd-occidental, situada longh el cors alt del fiumm Noce.
El nòmm de la vall el gh'entra nagòtt cont el Sô, ma con l'antiga dea celtiga di aqui Sulis, che i Roman aveven identificaa con la Minerva. De fatt in de la vall a gh'è vari pòst indè che se troeuven di stabiliment termai, come Peio e Rabbi.
El capploeugh de la vall a l'è Malè. La val la confina a òvest con la Lombardia (provincc de Sondri e de Bressa), a est con la Val de Non, a sud con la Val Rendena, a nòrd con l'Ades Alt. In de la vall se troeuven i grupp de montagn de l'Adamell e de l'Ortles.
I comun de la vall
[Modifega | modifica 'l sorgent]In de la vall se troeuven i comun de:
- Cavizzana (Chjavizana)
- Caldes (Chjaudes)
- Terzolas (Tergiolas)
- Malè (Malé)
- Rabbi (Rabi)
- Croviana (Crovianå)
- Monclassico (Monclassech)
- Dimaro (Dimar)
- Comezzadura (Comezadurå)
- Mezzana (Mezanå)
- Pellizzano (Plician)
- Ossana (Ossanå)
- Peio (Péj)
- Vermiglio (Verméj)
La lengua
[Modifega | modifica 'l sorgent]
|
Per savenn pussee, varda l'articol Solander. |
La parlada local de la Val de Sol la se ciama Solander, che di lenguista disen che la faga part di dialett ladin. De fatt la maggior part di parlad de la val la gh'ha tanti influenz ladinn, soratutt in de la val de Rabbi e in quella de Peio, menter i paes de Pellizzano e Ossana gh'hann di influss del Lombard alpin (i frazion de Pellizzano però hinn famos per on dialett ladin molto conservativ). El Solander l'è molto simel anca al vesin Nònes. Ovviament però la lengua pussee parlada in de la vall a l'è l'Italian.