Val d'Osogna
La Val d'Osogna, ciamada localment domà Vall[1] (italian: Valle di Osogna) l'è ona vall lateral de la Riviera, in del Canton Tesin.
La se troeuva in del territori comunal de Osogna e l'è traversada de la Nala (che poeu la ghe va dent al Tesin). La scima pussee alta l'è 'l Torron d'Oeurz (2.948 meter). Alter montagn important a hinn la Scima da Pivicióu (2.575 m) e la Scima di Scorzironi (2.412 m).
La confina a nord con la Val Pontron, a sud con la Val de Carscian e a est con la Calanca.